Streektaolambassadeur gemiente Tynaorl

Huus van de Taol is de streektaolorganisatie die zuch inzet um de Drentse taol te bewaken en an te fietern. Oeze organisatie bestiet uut een bestuur, een directeur, zes vaste metwarkers en umdebij 150 vrijwilligers. Sommige vrijwilligers bint actief in heur woonplaots, aandern helpt in oes Beilen of vanoet hoes. Wij hebt dus al een actief vrijwilligersnetwark in deur de previncie. 

Elke Drentse gemiente hef een eigen team met vrijwilligers die zuch inzet veur het behold en de promotie van het Drents.

Veur de gemiente Tynaorl biw op zuuk naor een streektaolambassadeur. De streektaolambassadeur is feitelijk de oren en ogen van het Huus van de Taol in de eigen gemiente. Een streektaolambassadeur zorgt erveur dat het Drents te zien en/of te heuren is in de gemiente. Daorveur kan e allerlei activiteiten op poten zetten, hoeveul en hoe groot die activiteiten bint hej in eigen haand. Der is ien project dat vaststiet: het veurlezen op de basisschoelen. Het regelwark daorveur kuj zölf doen of met een club vrijwilligers samen.

Allén is maor allén en daorum kreg de streektaolambassadeur in zien gemiente de hulp van streektaolvrijwilligers die verspreid over de gemiente woont en actief bint binnen heur eigen dörp of buurt.

Wat döt een streektaolambassadeur?

De streektaolambassadeur is het plaotselijke gezicht en underholdt contacten met u.a. het gemientebestuur. Wieder trekt de streektaolambassadeur an de bel as der in zien gemiente onrecht daon wordt an de Drentse taol of de taol meer zichtbaarheid neudig hef. Tot slöt organiseert e samen met zien streektaolvrijwilligers activiteiten in de gemiente.

Wat hew te bieden?

• Een gezellige en betrökken groep vrijwilligers in je eigen gemiente
• Flexibiliteit: je bepaalt zölf hoeveul tied aj investeren wilt en kunt
• De kaans um bij te dragen an de instandholding van de Drentse taol en cultuur
• Understeuning vanoet het Huus van de Taol
• Ruumte veur eigen ideeën en inbreng

Deurpraoten?

Heb je interesse? Neem dan contact met ons op door te reageren op deze vacature en je account aan te maken, of bel/app met het VrijwilligersPunt (VIP) Tynaarlo via 0612681340. Mailen kan ook: vip@neienaober.nl  

PS: Vrijwilligerswark binnen een ANBI-instelling huuft gien gevaor op te levern aj in de ww zit. Via het UWV bint daor regels en anwiezingen veur te vinden. 

• Start datum: 01-05-2026
• Aantal vrijwilligers gezocht: 1
• Locatie: Raadhuisplein 1, Beilen

• Activiteiten: Activiteiten/begeleid., Organisatie, Voorlichting, Informatie / advies, Cultureel, Diversen, Educatie.
• Doelgroep: Iedereen.
• Locatie: Hele gemeente.

Stichting Huus van de Taol

Wij zörgt erveur dat het Drents (as underdiel van het Nedersaksisch) een taol is waor de gebrukers wies met bint en die deur niet-sprekers wardeerd wordt.